Mae Ceredigion yn gartref hardd i gyfoeth o bentrefi gwledig fel Tanygroes, Gogerddan a Blaenporth, a phob un yn cynnig dewis o eiddo i brynwyr tai. Gan gyfuno byw yng nghefn gwlad gyda mynediad hawdd i arfordir Bae Ceredigion, a gwasanaethau tref farchnad hardd Aberteifi, maent yn cynnig y gorau o bob byd.

Os ydych yn ystyried prynu cartref yng Ngorllewin Cymru gallwch ddarganfod mwy am bentrefi Tanygroes, Gogerddan a Blaenporth isod, neu ffoniwch ni i drafod atyniadau pob ardal yn fanylach.

Gallwch chi hefyd edrych ar Wybodaeth am Leoliadau eraill i ddarganfod mwy am drefi a phentrefi eraill yn yr ardal hon. Ble bynnag y dewiswch brynu, rydym yma i gynnig cyngor arbenigol a mewnwelediad i'ch helpu i ddod o hyd i'r eiddo iawn i chi.

Hanes

O chwedlau’r Brenin Arthur, i straeon am hud a lledrith, cestyll hanesyddol a safleoedd hynafol, mae Gorllewin Cymru yn gyforiog o hanes hynod ddiddorol i’w ddarganfod.

Heb fod ymhell o Danygroes mae bryngaer oes yr haearn Castell Nadolig. Mae’r safle’n enwog am nifer o ddarganfyddiadau, gan gynnwys pâr o lwyau prin – Llwyau Penbryn fel y’u gelwir nhw – a ddarganfuwyd gan ffermwr tenant ym 1829 ac sydd bellach wedi’u lleoli yn Amgueddfa Ashmolean yn Rhydychen.

Yng Ngogerddan, mae llawer o hanes y pentref yn canolbwyntio ar y Gogerddan Arms – tafarn goets fawr yn dyddio’n ôl i o leiaf 1889, pan oedd yn fan llwyfan pwysig ar y daith o Aberystwyth i Hendy-gwyn ar Daf. Yn ddiweddarach daeth yn rhan o Fragdy Buckley's, a ailddatblygodd y dafarn ar safle cyfagos a'i hailagor yn 1965. Roedd gan yr adeilad newydd ddyluniad modern, nodedig iawn a daeth yn dirnod eiconig. Heddiw mae’n gartref i ddistyllfa In the Welsh Wind – darllenwch ymlaen i ddarganfod mwy am hynny.

Yn y rhan hon o Geredigion fe welwch hefyd Maes Awyr Gorllewin Cymru, a ddatblygwyd ym Mlaenannerch, ddwy filltir o Flaenporth. Yn dyddio'n ôl i 1939, mae'n enwog am ddarparu amgylchedd hedfan Systemau Awyr Di-griw (UAS) o'r radd flaenaf ar gyfer hyfforddi ac arddangos.

Twristiaeth a Hamdden

Gan mai dim ond ychydig funudau o arfordir gwych Gorllewin Cymru, gall trigolion Tanygroes, Gogerddan a Blaenporth fwynhau dewis o draethau a chwaraeon dŵr yn hawdd.

Un o’r traethau agosaf yw Tresaith (tua 2.4 milltir i ffwrdd), sy'n Draeth Baner Lashyfryd. Gan ddenu pobl leol a phobl ar eu gwyliau trwy gydol y flwyddyn, mae’n fae tywodlyd diogel gyda phyllau glan môr hardd. Mae hefyd yn enwog am Raeadr Tresaith – a leolir ym mhen gogleddol y traeth lle mae Afon Saith yn rhaeadru dros ben y clogwyni i lawr i’r môr. Perffaith ar gyfer cawod adfywiol! Mae ail draeth yn Nhresaith hefyd, ond i gyrraedd yno rydych chi'n croesi o dan y rhaeadr ac mae mynediad yn dibynnu ar y llanw felly mae'n bwysig gwirio'r amseroedd.

Fel arall ewch i Aberporth, (tua 2.3 milltir), lle byddwch yn dod o hyd i ddau draeth tywodlyd hyfryd a digon o byllau glan môr i’w harchwilio pan fo’r llanw ar drai. Yn boblogaidd iawn gyda theuluoedd, gallwch hefyd gadw llygad am y dolffiniaid sy'n byw yn nyfroedd clir Bae Ceredigion.

Mae traethau Bae Ceredigion hefyd yn enwog am syrffio gwych. P'un a ydych chi'n ddechreuwr neu'n syrffiwr profiadol, mae yna draeth a fydd yn addas i chi. O draeth baner las Poppit, gyda’i donnau ysgafn yn ei gwneud yn wych i ddechreuwyr, i draethau gydag amodau mwy heriol fel Aberporth, mae’n gamp wych i’r holl deulu roi cynnig arni.

I unrhyw un sy'n hoffi hwylio, mae gan Tresaith ei chlwb hwylio ei hun - Tresaith Mariners. Fel arall, gallwch roi cynnig ar chwaraeon fel sgïo dŵr a hwylfyrddio, ar gyfer rhywbeth mwy hamddenol gallwch chi fwynhau bysgotagwych, gyda rhywogaethau fel macrell, morleisiaid a thyrbytiaid yn y dyfroedd.

I ffwrdd o'r môr, mae Llwybr Arfordir Ceredigion, sy'n enwog ymhlith cerddwyr. Gan anelu tua’r gogledd o Aberteifi a dilyn yr arfordir hyd at Ynyslas, mae'r llwybr 60 milltir hwn yn ffordd wych o ddarganfod arfordir Bae Ceredigion.

Mae beicio hefyd yn weithgaredd poblogaidd, gyda beicwyr ffordd yn mwynhau bryniau hardd a ffyrdd tawel cefn gwlad Gorllewin Cymru, a beicwyr mynydd yn gallu crwydro oddi ar y ffordd gydag amrywiaeth o lwybrau ar gael.

Mae hefyd yn werth cymryd amser i ddarganfod yr Amgueddfa Bwer Tân Mewnol yn Nhanygroes. Mae'r amgueddfa hon yn gartref i'r casgliad mwyaf o beiriannau gweithiol yng Nghymru a byddwch yn dod o hyd i amrywiaeth o ddigwyddiadau megis 'diwrnodau stemio' lle gallwch weld y peiriannau stêm hanesyddol.

Atyniad arall yr ardal hon yw’r ddistyllfa In the Welsh Wind yng Ngogerddan, sy'n cynhyrchu amrywiaeth o jin crefft a wisgi Cymreig ac yn cynnig profiadau megis profiadau blasu a gwneud jin.

Siopa

Rhan o swyn y rhan hon o Orllewin Cymru yw presenoldeb siopau bach lleol a chrefftwyr yn gwerthu pob math o eitemau. Yn Nhanygroes fe welwch Siop Nisa (Archfarchnad CK) am ddewis da o nwyddau, ac mae Nisa Local yng Nghastell Newydd Emlyn hefyd (saith milltir i ffwrdd).

Hefyd yn Nhanygroes mae siop swynol Golwg y Môr, sy'n eiddo i E&S Thomas. Siop deuluol yw hon sy’n gwerthu cigoedd ac amrywiaeth o gynnyrch cartref deniadol arall. I gael ysbrydoliaeth am anrhegion, rhowch gynnig ar Pottery & Paintings, sy a leolir yn agos at bob un o’r tri phentref ac sy’n cynnig amrywiaeth hyfryd o grochenwaith a gwaith celf.

Os ydych chi'n cynllunio rhywfaint o waith adnewyddu ar eich tŷ gallwch chi hefyd roi cynnig ar Lloriau a Theils Lleol ym Mlaenporth, sydd â dewis da o deils a lloriau ar gyfer ceginau, ystafelloedd ymolchi, mannau byw ac ardaloedd allanol.

Ar gyfer archfarchnadoedd mawr, banciau, siopau trin gwallt a llawer o siopau eraill, ewch i dref farchnad Aberteifi (tua wyth milltir o Danygroes). Gyda Tesco, Aldi a Spar, mae'r holl ofynion siopa groser mawr yn cael eu cwmpasu, ond fe welwch hefyd ddewis eang o siopau annibynnol llai. Mae cigyddion a phobyddion lleol, siopau syrffio, salonau harddwch a mwy ar hyd y strydoedd. Hefyd mae Marchnad Neuadd y Dref ragorol sy'n gartref i dros 50 o siopau gwahanol a chaffi gwych lle gallwch chi fachu coffi a gwylio'r byd yn mynd heibio.

Ar gyfer anghenion bancio, mae gan Aberteifi Lloyds, Barclays a HSBC, a byddwch yn dod o hyd i siopau sy'n gwerthu popeth o offer ar gyfer y cartref i emwaith a dillad.

Bwyta ac Yfed

Mae Gorllewin Cymru yn ennill enw da cynyddol am fwyd bendigedig – o’r bwyd môr mwyaf ffres i bobyddion arbenigol a chaffis traeth cŵl.

Yn Nhanygroes ei hun fe welwch Caffi Emlyn, caffi poblogaidd sy’n gweini diodydd, prydiau ac yn darparu gwasanaeth danfon i'r cartref pryd ar glud, yn ogystal â chynnal digwyddiadau fel nosweithiau bingo - mae'n rhan wych o'r gymuned.

Ym Mlaenporth mae siop pysgod a sglodion – y Taten Eirw – sydd wedi’i leoli yn adeilad yr hen ysgol ac sy’n gweini penfras a sglodion ardderchog, ynghyd â byrgyrs a phasteiod.

Ar gyfer bwytai eraill fe welwch ddigonedd o ddewis o fewn taith fer i ffwrdd. Yn yr haf rhowch gynnig ar y caban traeth poblogaidd yn Aberporth o'r enw The Boy Ashore neu ar draeth Tresaith ceisiwch Gril Traeth Tresaith am ddiodydd a bwyd gwych.

Gwerth rhoi cynnig arni hefyd yw Ship Inn Traeth Tresaith, lle cewch olygfeydd gwych o’r môr a bwydlen flasus. Fel arall, ewch i Aberteifi lle byddwch yn dod o hyd i ddewis ehangach o fwytai a chaffis gan gynnwys y rhai poblogaidd, Popty Bara Menyn, 1176 yng Nghastell Aberteifi a'r Pizzatipi.

Gofal Iechyd

Un o'r pethau cyntaf y mae llawer o brynwyr tai yn ei wneud wrth symud i ardal newydd yw cofrestru gyda'r gwasanaethau gofal iechyd lleol. Mae’r feyddgfa agosaf ar gyfer trigolion Tanygroes, Gogerddan a Blaenporth yn Aberteifi, lle byddwch yn dod o hyd i'r Ganolfan Iechyd Aberteifi . Gyda phum meddyg a thri ymarferydd nyrsio, mae'r practis hwn ar agor bob dydd o 8.30am tan 1pm ac o 2pm i 6.30pm o ddydd Llun i ddydd Gwener (ar gau rhwng 1pm a 2pm). Mae e-ymgynghoriadau hefyd ar gael ar gyfer rhai gofynion, megis nodyn salwch neu ganlyniadau profion.

Ar gyfer triniaeth ddeintyddol mae dwy ddeintyddfa yn Aberteifi – Deintyddfa Charsfield ar Stryd y Priordy a Deintyddfa {my}dentist ar Feidrfair. Mae gan y ddwy ddeintyddfa dri deintydd ac maen nhw ar agor bum diwrnod yr wythnos.

Mae hefyd ceiropractydd rhagorol ym Mlaenporth - West Wales Chiropractors – sydd ag ymarferwyr sy'n arbenigo mewn anhwylderau niwrogyhyrol.

Ysgolion

Os ydych chi'n ystyried symud i un o'r pentrefi hyn gyda phlant, hygyrchedd a pherfformiad ysgolion cynradd fydd un o'r ffactorau allweddol sy'n dylanwadu ar eich penderfyniad.

Mae gan deuluoedd ym mhentrefi Tanygroes, Gogerddan a Blaenporth ddewis o ysgolion cynradd. Un o’r rhai agosaf yw Aberporth, nad yw ond pump neu chwe munud mewn car o’r pentrefi, yn dibynnu ar ble yr ydych yn dewis byw. Wedi'i lleoli dim ond 100m o'r traeth, mae'r ysgol gynradd hon yn boblogaidd iawn gyda phlant a rhieni.

Fel arall, os yw’n well gennych deithio tuag at Aberteifi ar gyfer addysg gynradd, fe welwch ysgol gynradd fach leol ym Mhenparc. Mae hon yn opsiwn da i rieni sy'n gweithio yn Aberteifi gan ei bod yn cynnig gwasanaeth gollwng a chasglu haws ar ddechrau a diwedd y dydd.

Ar gyfer addysg uwchradd, mae lleoliad canolog Tanygroes, Gogerddan a Blaenporth yn golygu bod dewis o ysgolion. Yn Aberteifi mae Ysgol Uwchradd Aberteifi ac yng Nghastell Newydd Emlyn mae Ysgol Gyfun Emlyn. Mae gan y ddwy ysgol hyn enw da, felly byddem yn argymell ymweld â phob un i weld pa un sy'n gweddu orau i'ch plentyn. Mae bysiau ysgol yn rhedeg o'r pentrefi bob dydd.

O ran colegau ac addysg bellach, mae Coleg Ceredigion yn Aberteifi yn cynnig ystod wych o gyrsiau, gan gynnwys cyrsiau ar-lein a Phrentisiaethau. Fel coleg sydd wedi hen ennill ei blwyf, fe gewch chi gyrsiau ar bopeth o ddylunio dodrefn a gofal plant, i'r cyfryngau ac adeiladu. Ceir hefyd Prifysgol Aberystwyth (ychydig dros 30 milltir o Danygroes), sy'n cynnig cyrsiau israddedig ac ôl-raddedig mewn llawer o bynciau. P'un a ydych chi'n chwilio amdanoch chi'ch hun neu'ch plentyn, dylai fod rhywbeth sy’n berthnasol i’ch diddordebau.

Yn olaf, rhaid inni sôn am yr ysgol eithriadol Canolfan y Don Mae’r ysgol hon yn arbenigo mewn helpu plant hyd at 11 oed sydd ag anawsterau dysgu difrifol. Mae wedi magu enw rhagorol, ac mae ganddo dîm profiadol ac ystod o gyfleusterau arbenigol.

Cludiant

Mae pentrefi Tanygroes, Gogerddan a Blaenporth i gyd wedi’u lleoli yng nghanol cefn gwlad prydferth Gorllewin Cymru. Er nad oes gwasanaethau rheilffordd yn yr ardal, mae nifer o wasanaethau bws yn cysylltu'r pentrefi ag Aberporth ac Aberteifi.

Cymerwch gip ar y cynlluniwr taith hwn i wirio amseroedd ac amserlenni. Mae ystod o wasanaethau bws sy'n gwasanaethu pentrefi gwledig yr ardal hon yn rheolaidd. Fel canllaw, mae'r bws i Aber-porth yn cymryd tua saith munud o Danygroes, tra bod y bws i Aberteifi yn cymryd tua 11 munud o Flaenporth.

Er y bydd angen car arnoch yn bendant os byddwch yn dewis byw yn y rhan hardd hon o Orllewin Cymru, os yw gwasanaeth bws rheolaidd yn bwysig i chi, byddem yn hapus i’ch helpu i wirio'r amserlenni diweddaraf fel rhan o'ch chwiliad eiddo.

Darganfod Mwy…

Os ydych yn bwriadu symud i ardaloedd Tanygroes, Gogerddan neu Flaenporth, gallwch ddarganfod mwy am y gwasanaethau sydd ar gael ar y gwefannau eraill hyn…

• Pethau i'w gwneud - Cliciwch Yma
• Ysgolion cynradd - Cliciwch Yma
• Trafnidiaeth - Cliciwch Yma, Yma
• Rheoli eiddo a gosod eiddo - Cliciwch Yma

Fel arall, rhowch alwad i ni ar 01239 562 500 a byddwn yn hapus i ateb eich cwestiynau i'ch helpu i gynllunio symud i Fae Ceredigion neu Orllewin Cymru.