Rydym mor falch o gyhoeddi ein bod wedi cyrraedd y rhestr fer ar gyfer dwy wobr fusnes fawreddog!

Y wobr ddiweddaraf yr ydym wedi cyrraedd y rhestr fer amdani yw Newydd-ddyfodiad y Flwyddyn ar gyfer y gwobrau nodedig, Gwobrau Eiddo Cymru 2022, sy'n cydnabod y cwmnïau, bargeinion a datblygiadau gorau’r flwyddyn flaenorol.

Rydym yn llawn cyffro ac yn hynod falch o dderbyn yr enwebiad hwn. Mae Gwobrau Eiddo Cymru yn cynnig cydnabyddiaeth genedlaethol o’r goreuon yn y busnes, felly mae’n gamp wych ein bod wedi cael ein henwebu. Mae’r ddwy ohonom yn teimlo’n angerddol dros ddarparu gwasanaeth mwy personol i brynwyr a gwerthwyr eiddo yng Ngorllewin Cymru, ac mae’r enwebiad hwn yn gydnabyddiaeth o’r hyn yr ydym yn ei gyflawni lai na 18 mis ers i ni ddechrau.

Rydym hefyd wedi ein henwi yn un o’r busnesau newydd mwyaf cyffrous yn y rhanbarth ar ôl cyrraedd y rhestr fer yn y Cyfres Genedlaethol Gwobrau Cychwyn Busnes. Mae'r gwobrau newydd hyn yn cydnabod y cynnydd enfawr mewn busnesau newydd ers i'r pandemig ddechrau - yn 2020 sefydlwyd dros 400,000 o fusnesau newydd yn y DU.

Mae cael ein dewis yn rownd derfynol y categori Gwobr Cychwyn Busnes Gwledig yn rhywbeth yr ydym yn falch iawn ohono. Mae cychwyn eich busnes eich hun, yn enwedig ar adeg mor ansicr, yn golygu llawer o waith caled ac ymrwymiad, ond yn bendant dyma'r penderfyniad gorau a wnaethom. Rydyn ni'n caru'r hyn rydyn ni'n ei wneud, ac mae'r adborth rydyn ni'n ei dderbyn gan brynwyr a gwerthwyr yn anhygoel. Beth bynnag fydd canlyniad y Gwobrau hyn, rydym yn edrych ymlaen at helpu llawer mwy o bobl i ddod o hyd i'w heiddo perffaith yng Ngorllewin Cymru.

Bydd enillwyr Gwobrau Eiddo Cymru 2022 yn cael eu cyhoeddi mewn digwyddiad yn Neuadd y Ddinas Caerdydd ar 23 Mehefin tra bydd canlyniadau Cyfres Genedlaethol Gwobrau SartUp yn cael eu datgelu ar 30 Mehefin mewn digwyddiad yn DEPOT, Caerdydd felly croeso i chi groesi popeth i ni!